Ka Ri-Bhoi da jop ko yaka West Khasi Hills da 8 Wicket haka U-23 Boys Inter District Cricket Tournament ha Nongkhrah, Ri-Bhoi ynne ka sngi wa pynman da ka Meghalaya Cricket Association.
Kani da man ko ka yalehke wa ar kani ka Tournament wa ka nyngkong yong ka Zone 1 ka Group B heiwa ka WKH da jop ko ya ka kylla khlem deiwa jied wow Bat nyngkong. U Pynshaibha Khardewsaw da kamai boon dooh u deiwa yoh 23, u Paiawetson (16) wa u Armour Dkhar (11).
Tangwa i ryntih i kawang bol da ka Ri-Bhoi da pynhaap lut ko ya ki Wicket ka WKH kawa da yoh 113 na ki 27.5 Over. U Man-of-the-match, u Sadashiv Prasad da yoh u 3/24 heiwa u Bharat Gurung (2/15), u Badonnam John Mylliemngap (2/35) wa u Abhishek Rai (1/15) leh da yoh Wicket lang ki.
U Damudskhem Kharbani (1/15) da yoh Wicket u yaka WKH pyn ha ka bol wa nyngkong tangwa ka Ri-Bhoi neibynta ka Wicket wa ar da kamai ki 103 Run deiwa yoh u Deekreat Nath (51 Not Out) wa u Reshab Subedi (39) heiwa ka Ri-Bhoi da jop ko ha ka Over wa 18.3.
Mynstep ka yalehke ha ka Group A u man ko hapyrdi ka East Jaintia Cricket Association waka All Jaintia CA.
