Da sdang da ka One North East kam ka rynsan wow pynyatylli ya ki seiñ saiñhima ka thaaiñ

Kiwa yahkhmat yong ki seiñ saiñhima wa kynthup ya ka NPP wa mihkhmat da u Conrad K Sangma, ka TIPRA Motha Party wa mihkhmat da u Pradyot Bikram Manikya, ka People’s Party Assam wa mihkhmat da u Daniel Langthasa wa na Nagaland wa mihkhmat da u Mmhonlumo Kikon uwa jooh man kam u Montri sorkar ka Nagaland da pynbna ki ynne wow sdang ya kawi ka seiñ kawa man neibynta ki kaam saiñhima ka wow pait yeiwa emkaam ka thaaiñ North East.

Yeini da pynbna ynne ha ka yalang wa da pynman ha Delhi heiwa u e pyrtuid ya kani ka seiñ kam ka One North East ka wow man kam ka rynsan ka wow klam da iwi i sur neibhah ha iwa boon i por da chem wa i dawa man ko i jooh tangwa da klam na kiwa boon ki liang, ki rynsan, ki Party yei jooh i dawa khlem da em i yatylli.

Neiliang u Conrad hawa e yei klam da ong u wa iwa pynbna ynne ka sngi toh ka i kaap wa nyngkong hei lai luti heiwa daw thung da ka Committee ka wow chong pyrkhat kammon wow leh kamjooh ki kyndon krehkaam kani ka One North East.

Related posts

Pynche ka Dorbar Chnong Mynsngat heiyatoh wa ka RTI wa ka FIR wa ujor baam tooh ya ka poisa Swachh Bharat

November 13, 2025

Jop suk kiwi ha Nongkrem wa yaleh pyrchah ka NPP ya u Lambor ha u 2023: Prestone

November 13, 2025

Da ong u wa ka thong toh yow pynsñiaw yei sur ki paidbah deiwa em ka yatylli yow sñiaw ki hapoh waroh kawi ka ri.