Da sdang ka 1st wa 2nd Division ka WJDSA

Jowai: Ka West Jaiñtia District Sports Association (WJDSA) ynnin ka sngi da sdang ko ya ka Chatister Kharkongor Memorial 1^st Division Fotball wa ya ka Debo Shullai Memorial Trophy 2^nd Division Football Tournament ha Kiang Nangbah Stadium.

Ha ka 1^st Division da em 12 tylli ki dhab wa chimbynta katwa ha ka 2^nd Division won da em 16 tylli.

Ha ka yalehke wa nyngkong ha ka 2^nd Division ka Mukhla Evergreen da yachem ko ya ka Lumpyrtuh Mihmyntdu wei ka yalehke da kut ko 1-1. Ya ka Lympyrtuh da thap kool u Arki Tariang ha ka minit wa 29 katwa ya ka Mukhla Evergreen da thap u Treibor Sana ha ka minit wa 35.

Ha ka 1^st Division hapyrdi ka Demthring waka West Madan Mustem da kut ko da 2-2. Ya ki kool ka West Madan da thap u Heimon Sutong ha ka minit wa 22 wa u Labor Pohshna ha ka minit wa 45 + 1. Ya ki kool ka Demthring da thap u Pynspain Ryngkhlem ha ka minit wa 55 wa u Launidajied Tariang ha ka minit wa 67.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Mynstep ha ka 2nd Division ka Caroline SC daw yachem ko waka Lion SC heipor chi waje i sngi katwa ha ka 1st Division won ka Moosalyngkat daw yaleh pyrchah ko ya ka Ladthadlaboh heipor 3 waje i sngi.