15 49.0138 8.38624 1 0 4000 1 https://wyrta.com 300 0

Da sdang ka 7th Open District Badminton Championship

0 Comments
Advertisement ad1

Jowai : Ka 7th Open District Badminton Championship kawa da pynman da ka West Jaiñtia District Badminton Association da sdang ko ynne ka 9 Naisaphra ha Khimmusniang Indoor Sports Hall.

Kani ka lympung yalehke da bhah ya ka ha ki 7 bynta nadooh ki singles, doubles, mixed doubles wa kiwi kiwi.

Advertisement ad1

Heijooh i por kani ka lympung yalehke Badminton da wan yachimbynta da kiwa yalehke na ka West wa East Jaiñtia Hills.

Ha ka Girls Single em hadooh 6 ngut, ha ka Girls Doubles em hadooh 6 ngut (iwa mut 3 jur), ha ka Mixed Doubles em hadooh 12 ngut (iwa mut 6 jur), ha ka Mens Single (45+) em hadooh 8 ngut, ha ka Men Double (45+) em hadooh 16 ngut (iwa mut 8 jur), ha ka Men Double (Open Category) em hadooh 46 ngut (iwa mut 23 jur) katwa ha ka Men Single (Open Category) won em 24 ngut.

Ya kani ka lympung u pynkut ya ka ha ka 12 Naisaphra wei ya kiwa jop u jied ya ki wow mihkhmat ki ya ka District.

7thbaMIN1

Advertisement ad1

0 Comments

Leave a Reply