Jowai : Ynne ka 25 tarik da sdang ka Discover Jaintia 2016 kawa da pynman da ka seiñ Jaintia Tourism & Environment Society wei ka wow kut ha ka 27 tarik uni u bnai.
Ynne ka sngi da sdang hei step heipor kamwa 10:30 da ka lai paidbah. Kani ka lai paidbah da sdang na Madan Dai Masi na Ladthadlaboh tymbud u surokbah na Iawmusiang wei da pynkut ya ka ha Madan Jrisaleiñ.
Ha kani ka lai paidbah da yachimbynta da ki dkhot ka JTES, ki khon ka chnong Ladthadlaboh, Sabahmuswang, Nangbah, Khonchnong, Caroline Colony wa kiwi kiwi.
Manda poi ha Madan Jrisaleiñ da em ka Pynyoo Riam Tynre pyllah heiwa da jop da ka Caroline Colony, wa ar da ka Ladthadlaboh katwa yei naam wa le da yoh da ka Sabahmuswang.
Ynne ka sngi da yoh leh ya ki chaad tynre na kiwa da pynkhreh da ka chnong Sabahmuswang, Nangbah wei da yoh leh yei chaad Mastieh wa ka chaad chken na Mizoram da yoh leh i sur na u Deiwitawan Synnah.
Da yoh leh u sakhi ya ki stunt bike wa ki stunt bicycle wa da pynkhreh da ki khynnah wa ki khynroo na ka chnong Jwai.
Hachwa u kut da em leh ka leh jadu næ ka Magic Show wa da leh da u Peter Lamare.
Discussion about this post