Jowai : Ka Dorbar Chnong Dulong lyngba ka Dulong Youth Welfare Association da pynman ko ya ka Dulong Week ynnin i miet ha Yunghwalieh ka Dulong.
Hachwa wow sdang da em ka yalang tbian heiwa da pynlai da u rangbah chnong u ma Dawan Dkhar katwa u ma Marki Mulieh da man u kam u kongsan, u ma S. K Lato da man u kam u symbood kongsan. Ha kani ka yalang da yoh yei klam na u founder member ka DYWA u dolloi u Puramon Kynjiñ i ngooh i dem na u Chairman ka DYWA u Sienmi Lato katwa ya ki kyntien e khublei na u Secretary DYWA u Ladwan Dkhar.
Da yoh leh yei chaad pdiang burom da i chaad pliang na ki khyllood kiwa man ki member ka DYWA wa na ki manbe kai Women Wings kiwa da e chaad sniawbha.
Da em leh ka magic show næ i leh jadu wa da pynioo da u Peter Lamare u khon ka chnong Dulong
Ha kani ka miet da em leh i pynyoo riam ki khynnah weiwa kiwa jop hapoh ka kyrdan wa hapoh 5 snem da yoh da ka Daphika Kyndiah, 1st Runner-up ka Nakisaka Kyndiah katwa
2nd Runner-up da ka Heinidayooki Dkhar
Hei kyrdan wa 6 hadooh 10 snem da jop da ka Daker-i Ryngkhlem, ka 1st Runner-up ka Manhaka Ryngkhlem katwa ka 2nd Runner-up ka Sylli-i-ka Niangti.
Discussion about this post