Da sdang ka Shad Suk Mynsiem yong ka Seng Khasi Mawkhar

Shillong : Ka Shad Suk Mynsiem wa 106 yong ka Seng Khasi (Seng Kmie) Mawkhar ya kawa tip leh kam ka Chaad Weiking da sdang ko ynne ka sngi kamwa jooh leh khlieh snem wei daw pynman ya ka ha ki le sngi lynter wei u kut ko ha kani ka 10 Naitung (April) ha madan Weiking, Jaiaw, Shillong.

Kamwa jooh leh man u snem ha ka sngi wa nyngkong toh ka Sngi Nohkjat næ ka sngi pynhiar kjat heiwa da sdang deiwa tem ya ka Ksing Lumpaid næ ka Ksiñ Pyllangpaid heipor 12:30 i sngi ha pchem ka Yung ka Seng Khasi ha Mawkhar.

Heipor 2 waje i sngi da pynman ya i engooh ya iwa da yahkhmat da u J.S.R. Syiemlieh, wei hadien ini da pynman ya i lai kjat ki chynrang ryngkat kiwa put wa tem heiwa da synran ya ki da ki paidbah chadooh cha Madan Weiking, Jaiaw.

Manda poi ha Madan Weiking, da pynman ya i engooh ya ki blai ki syiem heiwa da yahkhmat da u Skor Jala, wei hadien ini da pynhær ya ka lama ka seiñ da u N.R Shullai yong ka Seiñ Raij Shillong.