U Symbood Montri Rangbah ka jylla uwa pait leh yaka chnat pulit, u Prestone Tynsong da ong u wa ka takit hajrong i pynbaad pyrchah ya u Director General of Police (DGP), u Dr. LR Bishnoi dang lai ko hadien wa ki pulit da yoh pdiang ki yaka FIR pyrchah ya oo wei ka aiñ daw leh ko yeiwa emkaam.
U Bishnoi toh uwa daw chong-ngiah noh ha kani ka 19 tarik, wei hawa kylli hajrong i takit, u Pretone da ong u wa i takit u sdang nadooh myntu ka sngi wei hadien ka takit yei rai wa khaddooh daw chim da ka yung bichaar.
Kam wow pynkynmoo wa 10 sngi chwa wa u Bishnoi u chong-ngiah u, neiliang u Assistant Inspector General (AIG) warim yong ka Meghalaya Police, u GK Iangrai da ujor FIR u deiwa ong wa u Bishnoi kam u DGP ka jylla da pyemkaam bakla u ya u Number kari heiwa da chim yei Number yong kawi ka Hynundai Verna wei da pyndait noh u haka kari KIA Carnival kawa da pynemkaam u yei kaam yong oo.
U Iangrai da booh u ya kani ka FIR ha Shillong Sadar Police Station.
Discussion about this post