Da sdang ka U-17 Girls ka Subruto Cup

Jowai : Ki 15 tylli ki dhab na ki skur waphær waphær ka West Jaiñtia Hills District kiwa wan yaleh yow yohlaad u mihkhmat ha ka Subruto Cup ha ka kyrdan U17-Girls ha uni u snem, ynne ka sngi da sdang ki ya ka luti ki cha kani ka thong.

Ha ka yalehke wa nyngkong ynne ka sngi ka Mynso RMSA Secondary School da yaleh pyrchah ko ya ka Ummulong Presbyterian HS School heiwa ka Ummulong da jop ko da 1-0 da ka kool wa thap ka Pearlycia Mukhim ha ka minit wa 13.

Ha ka yalehke wa ar won ka Government Girls’ HS School, Jowai da yachem ko wa ka Mihmyntdu Seconary School heiwa ka Government Girls’ da jop ko da 5-0. Ya ki kool ka pynjop ya ka Government Girls’ da thap da ka Myntoilang Phyrngap ha ka minit wa 29 wa 35, ka Rapbha Chyrmang da thap ko ha ka minit wa 30 wa 49 katwa ka Napale Roiki Lytan da thap ko ha ka minit wa 44.

Ha ka yalehke wa bood won ka Little Flower HS School Ummulong da yakhun ko waka Police Public School Secondary School heiwa ka Little Flower da jop ko da 1-0 lyngba ka kool wa thap ka Mashumi Ryngkhlem ha ka minit wa 22.

Related posts

Da ki Jersey e sñiawbha ki ar ngut cha ka Ialong Sport Club ka wow yakhun Super Division

July 22, 2026

Yoh ka Pipilmoris Wanniang wow man kam ka Category 5 National Football Referee

July 21, 2026

Ka Moodymmai Secondary School won da jop ko ya ka KJP Synod HS School da ka ‘Walk Over’ neidaw wa ka KJP ym em won yachimbynta ki neidaw wa em exam ki khynnah ko.

Ha ka yaleh wa khaddooh yong ynne ka sngi ka Mynso Secondary School da jop ko ya ka St. Micheal & All Angels da 1-0.