U Valery Zaluzhny uwa man kam u Commander-in-Chief warim ka Ukraine, da kam u wa ka pyrthai kattæ da psiah ko cha ka Thmabah Wa Le namo ka World War III neidaw wa da embynta lang ki ar tylli ki ri heh bor kitæ ka Russia wa U.S. ha ka thma Ukraine.
Da ong u wa kani ka thma kattæ ymtoh du hapoh kani ka thaaiñ tangwa da embynta ka North Korea, Iran wei ye leh wow man wa da embynta leh ka China.
U Valery Zaluzhny katni man u kam uwa mihkhmat ya ka Ukraine cha UK, wei yeini da ong u ha ka UP100 Award Ceremony ka Ukrainska Pravda. Wei heini da ong u wa da ngait u wa da sdang ka WWIII.
Da pynsakhiat u yeini neibhah wa da em leh ki chipai ka North Korea, da pynemkaam leh da ki Drone ka Iran yow siat ya ki paidbah wei ki tiar yaleh thma na North Korea wa na China leh da pynemkaam ha kani ka thma.
Chooh chooh da ong u wa ha uni u 2024, ka Ukraine ymtoh de yaleh pyrchah ko du ya ka Russia tangwa wa kiwa na kiwi ki ri ki chipai. “Katni ha Ukraine, ki chipai ‘Shahedis’ ka Iran da pynyap ki ya ki bru paidbah khlem da em de iyi iyi i pyrkhat najrong wa phah 50,000 ngut ki chipai na Russia wa North Korea cha ka thaaiñ Kursk wa da dooh ki cha ka Ukraine.”
Ini waroh wa ong u Valery toh hadien wa U.S. President, u Joe Biden da chah u ya ka Ukraine wow pynemkaam da ki Long-Range Missile wa e ka US pyrchah ya ka Russia wei du hadien wa leh yeini, ka Russia da siat ko da ki jait Missile wa thymme chapoh ka Ukraine.
U President ka Russia, u Vladimir Putin da pynche wa kini ki toh ki Medium-Range Hypersonic Missile wa da siat ha chnong Dnipro.
Neiliang u President ka Ukraine da ong u wa ini pynyoo wa da joor ka thma na iwa jooh hadien wa jia ini.
Ha iwi won i liang, neidaw wa em palat 10,000 ngut ki chipai ka North Korea ha Moscow da man i daw wa ka U.S. deilang ka U.K wa e bor ki ya ka Ukraine wow siat Missile chapoh ka Russia.
Puræ leh: Ha ka sien wa nyngkong siat ka Russia da u Ballistic Missile cha Ukraine
Discussion about this post