Jowai: Ka Under-14 Football Tournament 2017 da sdang ko ynnin ka 29 tarik ha Kiang Nangbah Stadium kawa pynman da ka West Jaiñtia District Sports Association (WJDSA) wei waroh da wan chimbynta 12 tylli ki dhab heiwa da pynman 30 minit chi kylla.
Ka yalehke wa nyngkong da pynman ha pyrdi ka Mukhla Raij pyrchah ya ka Lion heiwa ka yalehke da kut ko mar chi kool.
Ka Lion da yoh ko u thap kool nyngkong ha ka minit wa 22 lyngba ka kool u Kevin Rymbai wei ka Mukhla won da ye ko u su kylliang ya kani ka kool ha ka minit wa 54 da ka kool na u Ewa Oo Sari.
Ha ka yalehke wa bood ha pyrdi ka Khimusniang waka Lumpariat da kut ko nod la nod.
Ka yalehke wa bood wa kaddooh ka sngi nyngkong da pynman ha pyrdi ka Luti Tuber Ialong pyrchah ya ka Dongmihsngi, ka Luti Tuber da jop ko da 3-0.
Ya ki kool da thap da u Midaia Dhar ha ka minit wa 15 wa 42 wa u Bankit Dhar ha ka minit wa 37.
(Feature Image: File Photo)
Discussion about this post