Da sdang pdiang ki paidbah ya ka BJP ha Meghalaya: Sanbor

U Montri ka sorkar jylla uwa man leh u heh ka BJP, u Sanbor Shullai da ong u wa ki paidbah ka Meghalaya da sdang ki wow pdiang ya ka BJP neidaw ki kaam pynroi wei ymtip u yeiwa poor ka khubor wa thmu psiah noh ki MLA ka UDP cha ka BJP.

Heiyatoh wa ka khubor wa poor wa ong wa ki heh ka UDP da yachem ki ya u Home Minister ka ri, u Amit Shah, neiliang u Sanbor da ong u wa da yoo u yeini lyngba ki khubor donhi deiwa kyntait wa tip u yei yachem ki wa u Amit Shah.

ADVERTISEMENT

Da ong u wa manda lai u cha kylleiñ ka jylla da yoo u yei pdiang ki bru ya ka BJP neibhah kam ki heh leh da kreh chitom hi ki.

Chooh chooh da pynssñiaw u yeiwa da pynyaar ya ka seiñ ha Mawlai, neibhah waroh chi kattu ym jooh yoo wa ka BJP u khlan ko tangwa dang ha ki kajiak bnai da ye u sdang ya ka Mandal wa thymme.

U Sanbor da ong u wa da yachem u dang iwa dep ha Secretariat wa uwa e ktien ka BJP, u M Kharkrang, heiwa da khana wa da pdiang dkhot man-ka-sngi kawa man ka khubor wa bha.

Related posts

Khana ka Hima Sutnga Youth Federation hakhmat ka Fact-Finding Committee yeiwa jia heipor wa pynman ya ka Public Hearing ka Shree Cement

October 16, 2026

Dadep yoh bor na ki dorbar chnong chwa wow sdang yei kreh ya ka Ropeway Project ha Shillong

October 16, 2026

Da ong u wa ka sorkar pyrdi wa yah da ka BJP da thæh ko ya ka poisa wa ki kaam pynroi, wei yeini da yoo na Delhi ha Meghalaya hadooh katwon wa da e ya ka poisa wei ki bru da yoo ki yeiwa jia 50-56 snem nachwa. Hapoh 8 snem wa da kreh wa ka BJP ha kani ka sorkar, da yachem hadooh u Prime Minister ka ri, deiwa kdaw ya ki sarok, ki yingkieñ, ki bordiñ wa kiwi ki Scheme pynroi iwa da pynman ya ki paidbah wow psiah cha ka seiñ BJP.

Hawa kylli lada pdiang ya ki MLA ka UDP, u Sanbor da ong u wa lada ki MLA ka UDP, ki MLA wa ki MDC na kiwi ki Party, ki bru wa seiñ kreh monsñiawbha kwah ki wow psiah cha ka seiñ, da man iwa pdiang sñiawbha ya ki waroh.