15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da sdang pyndait yaki Pre-Payment Meter ka MePDCL

0 Comments

Jowai : Kam chibynta yow lait nei khnium ki paidbah wa chibet da ku chibet da hiar ka bai light haki yung ki sem yong ki, ka Meghalaya Power Distribution Corporation Limited (MePDCL) da sdang ko u pyndait yaki Pre-Payment Meter næ ki Smart Meter ki wow ye u kheiñ thij pa thij yei rukom pynemkaam yaka bor diñ light iwa ya sareim wa ka Pre-paid phone deiwa thied chwa ya iwa emkaam chwa u pynemkaam ya ka.

Uni u meter em u ar bynta uwi toh uwa pyndait ya ka line light wei daw khang ya oo sbak yow lait nei chah pynsih næ tympra. Sa iwi i bynta iwa ye u taan chapoh yung wei u booh ha iwon iwon i thaw wa kwah ki tre yung wei ha ini i bynta da em leh ki dak (numpad) wow thap ya ka recharge code wada dep thied chwa. Heini leh ye phi u pait næ check katwon dang sah ka poisa wei wa la katwon unit wa da dep pynemkaam.

prepaidmeter1

Ya uni u meter toh uwa da e mykna cha ki paidbah wei haap u su du i bai wai donhi iwa T.30 chibnai wei lada sih u daw wan e da uwa thymme khlem haap su iyi iyi leh wei yaka balance wa sah daw kyntu cha u meter wa pyndait thymme. I pyndait ya uni u meter toh chong hei ngait ki paidbah weiwa ym em pynbor ya ki.

Hachwa u pyndait ya uni u Pre-Payment Meter, emkaam yaki tre yung, dukan wa kiwi u pyntip chwa cha ka MePDCL ya ka load wa pynemkaam. Ya ka 1Kw da kheiñ heidor T. 50 chibnai. Kamtæ daw booh ha uni u meter jar jiar i rukom pynemkaam wei u meter daw pyndooh light u lada pynemkaam palat ya ka load wa do booh ha oo. Tangwa ye biang u pynche ya oo deiwa Reset ya oo wei u tympleh ya ki light waroh yow im biang u hadien won pynche biang ya ka light katkam ka load yong oo.

Ha kani ka tayaw wa dep da pyndait nyngkong ya oo ha ka yung Quarter u CEO ka MePDCL wa ha ka Canteen kani ka ophis.

Heipor wa pyndait nyngkong ya uni u meter da em Balance chwa u wei manda recharge nyngkong ya oo daw ah na ka iwa man leh kam ka free talk-time haki mobile.

Ya ka recharge ye phi u thied online na ka www.meecl.nic.in næ li thied na thaw dai recharge wa em pyn ha ophis ka MePDCL. Wei daw e cha phi ya ki recharge code kawa ye u pynemkaam du ha u yong phi donhi u meter wei ym ye u pynemkaam cha uwi tawan u Pre-Payment Meter. Iwa mut lada wiar kitæ ki recharge code yong phi kiwa chem ym ye ki u pynemkaam yaki ha u yong ki u meter.

Kawa toh dor dooh wa ye phi u thied recharge toh T. 500 kawa ym em Expiry Date kawa ye phi u pynemkaam katwym pu lut ko hanlada dei yong bnai leh. Ye phi u booh ya ka alarm manda duna ka balance yow pynkynmoo ya phi yow lait u chah ah ka light neibhah uni u meter manda lut ka balance daw pyndooh light u tangwa ha ki sngi chuti kam ka Christmas wa ki sngi Saturday wa ka Sunday ym pyndooh light hanlada lut balance u neibhah ha oo em hi ka balance yong oo hi wow pynyoh light ha kini ki sngi.

Manda thied ya ka balance ye phi u thied heidor T. 500,600,700 ter ter. I rukom kheiñ ya kani ka recharge man ko kamni næ;

Lada khein wa thied phi T. 500 recharge, ka light wa ha yung phi pynemkaam phi ka load wa 1kw. Naka T. 500 du T. 30 u lai cha ka bai wai ya u meter wei T. 50 yaka 1kw chibnai (Fixed Charge) kawa ah man ka sngi iwa mut T.1.6 chisngi. Naka T. 500 daw chah ah T. 80 wei daw sah sa T. 420.

Ya kani ka T. 420 wa sah daw ah ya ka dei yong Unit. Kiwa pynemkaam hadooh 100 unit da kheiñ heidor T. 3.15 chi unit iwa mih T. 315 wei da sah ka balance sa T. 105. Manda tam ya ka 100 unit won da kheiñ yaka bai light heidor wa T. 3.75 chi unit. Iwa mut na ka T. 105 dang ye u pynemkaam sa 28 unit yow lut ka recharge wa T. 500 wei dap kani ka poisa hadooh 128 unit.

Share this:
Previous

Tieñsar ki paidbah u mih cha lait hadien wa em u ksaw wa biej

Next

Yoh u Mai Mai Laloo yei naam wa ar haka yakhun-kti ha Nagpur

0 Comments

Leave a Reply