Da sdang tlot ka mukotduma pyrchah ya i khrong dan ki Dolloi

Shillong: Ka mukotduma wa da booh pyrchah ya ki Dolloi ka ri-loom Jaiñtia hapoh ka dhab Dorbar Ki Dolloi Ka Ri Jaiñtia da ka seiñ ki karkhana pynmih khyndaw bilat na ri-loom Jaiñtia kawa tip kam ka Jaintia Hills Cement Manufacturers Association pyrchah yei khrong dan (Customary Tax) da chong bichaar biang ya ka ynne ka 7 tarik ha High Court ka Meghalaya ha ka miej yong u Chief Justice wa u Justice u Ved Prakash Vaish.

Ha kani ka mukotuduma ka JHADC leh da em bynta ko deiwa yieñ pyrchah ko ya ka seiñ ki Dolloi.

Ki muktiar yong pyn le kiwa embynta ha kani ka mukotduma da emlang ki ynne ka sngi wei neiliang u muktiar ki karkhana khyndaw bilat da ong u wa neidaw wa da dam ki Dolloi u khrong dan da hoi u pynkut noh ka kani ka mukotduma tangwa neiliang ki Dolloi won da ong ki wa lada pait bniah yei tih moochuni ki karkhana wei yei yap ka Bei Rymaw hadooh wa da dooh jait ki mrad, da stang ki khloo da ong wa ini waroh toh iwa pyrchah ya ka aiñ.

Ki Dolloi leh da pyntip ki leh wa ki da dep jubab ki ya waroh wa da pharep ka seiñ kharkhana khyndawbilat wei hadien wa boon boon sien wa da kyrriah ya ka tarik wow chong bichaar ya kani ka mukotduma neiliang ka JHADC won ym pu em ye ko u yasaaid ya ki yurim wa yieñ ki namo wow jubab lyngba ka Dorkhat (Affidavit) wei toh neini i daw wa ka yung bichaar ym pu ye ko u e ya ka rai wa khaddooh.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ ka yung bichaar da phah ko ya u muktiar ka JHADC wow pynbiang u ya ka jubab hapoh le tayaw khlem pep wei da mynjur u wow leh yeini.

Kam wow pynkynmoo wa ya ka mukotduma wa sariem wa kani em ko ha ka Supreme Court, ka yung bichaar da kyntait ko ya waroh i pharep ka JHADC pyrchah ya ka seiñ ki Dolloi wei hadooh katni ym pu em pynmih hukum ko wow pynksan ya ki yurim wa yieñ ka JHADC.

Hei sakhiat neiliang ki Dolloi da dep jubab lut ki ya waroh ki pharep yong ki karkhana wei yong ka JHADC. Tangwa iwa phylla won toh wa da boon sien wa duk u rah ya ka sngi wow yasaaid ya kani ka mukotduma, wei neiliang ka JHADC ympu ye ko u e ya ka dorkhat hei yatoh wa ini.

Ka sorkar Meghalaya leh dang ha kini ki sngi wa da dep da pynmih hukum ko lyngba ka Order LR(B)/44/2015/487 haka 5^th Jaunary, 2017 da pyntip ko cha u Deputy Commisioner ka Ri-Bhoi District wa katkam ka dustur riti wa ki “Traditional Insititution” wa kynthup ya ki Syiem wa ki Dorbar, ki ye ki u khrong khajna na ki mar wa mih napoh ka hima namo ki elaka yong ki.

Kani toh katkam ka khubor wa pyllait na u Chawas Lyngdoh, uwa man kam u Chairman, ka Dorbar ki Dolloi ka Ri-Jaiñtia.