Jowai : Hadien wa mih i kynnoh ka seiñ KJNU wa khrong poisa tooh u General Secretary yong ka u Bishar Samayang, neiliang yong oo ynne ka sngi da pynche paidbah u yeini ha ka khubor wa da pyllait u.
“I kynnoh khrong poisa tooh pyrchah ya nga toh du wow thooh daw wow beh seiñ ki ya nga neibhah ym yatoh yumut wei ki wa kreh ka seiñ KJNU toh kiwa dang chongchit wei ki wym em itæ i nang i stat wei ki wym pu ye u yalam ya ka seiñ wa ka jaitbru waroh kawi” da ong u Samayang.
Da e nongmuna u leh yei chah tympiah u tylla ka Office ka seiñ toh du neidaw wym su ki ya ka bai yung kamwa da mih ha ki khubor.
Da pynrap u deiwa ong wa oo ym jooh khrong poisa tooh u, wei leh ki yeini du hadien wa yohbor na u DC heipor wa pynman program.
Chooh chooh da ong u wa i kulmar toh wa u Publicity Secretary u G. Pasi ym tip u wa da thung noh da u Eibhami Suchiang heithaw yong oo wei katkam ki kot ki sla ympu em u jied bru neibynta ini i kaam hapoh ka seiñ.
Da kyntu u leh ya ki dkhot kiwa ymtip iyi iyi kiwa khooid, wymhoi u chah yalam bakla ki ha kiwon kiwon ki heh ka seiñ wei da ong u wa u Eibhami Suchiang wa ka Larina Shullai toh kiwa khooid ki wymtip yiyi leh yeiwa da leh ki heh ka seiñ.
Discussion about this post