15 49.0138 8.38624 1 0 4000 1 https://wyrta.com 300 0
Advertisement ad1

Da sdang u chna ya ka Pine Yard Recreation

0 Comments
Advertisement ad1
Advertisement ad1

Jowai : Ynnin ka 12 tarik da wai wow sdang chna ya kawi ka park wa rap phær na kiwi heiwa da tip kam ka Pine Yard Recreation Park (A Replica of Jaiñtia Hills) kawa mut wa kani ka thaw da pynwan dur ya ka yow pynyoo paidbah ya waroh ki thaw lai uiñke sawari (Tourist Spots) wa em hapoh ri-loom Jaiñtia. Ini i thaw toh iwa em harood u sarokbah NH 44 hajan ka nan Thadlaskein, Mukhla.

mini3

Ha kani da chna pynwandur nadooh wa psiah chapoh ri-loom Jaiñtia heipor wa wan na Shillong heiwa da chna ya ka chnong Mookyndur, Sung Valley wa ki laad wow lai cha ka chnong Larnai kawa chna ya ki kchu khyndaw, pynbood sa ka chnong Nartiang kawa em ya ki moopynyieñ, pynbood sa ka chnong Jowai heiwa da booh ya ka Syntu Ksiar, pynbood won sa ka Ialong Park ter ter cha ki thain East Jaiñtia ki thain khappood kam ka Dawki, Muktapur wa kiwi kiwi.

mini1

Ya kani ka Park da chna da ka Meghalaya State Co-operetive Marketing and Consumer Federation (MECOFED) heiwa u ma M.S. Lhuid, MCS, Managing Director kani ka seiñ da ong u wa hanlada kani ka seiñ toh u pait ko ya ki kaam khayi pateiñ tangwa neidaw wa em i thaw wa tam wa da dep e lut ki cha ka tnat Tourism da rai ki wow pynkylla noh ya ini i thaw kam ka wi na ka laad wow pynbna pyrthai ya kiwa wan uiñke sawari yow tip ki ya kiwa boon ki Tourist Spots heipor wa wan hiar kjat ki ha ri-loom Jaiñtia.

Kamwa man kattæ ya kani ka park ym pu em dep chna lut ya ka heiwa ya kiwa boon ki thaw wa em ha kani ka park dang booh da ki dur donhi wei ka mang poisa wow chna ya kani ka park toh T. 10 Lak yow chna ya ki Miniature Model kiwa pynwandur ya waroh ki chnong, ki wah yow yoh kiwa wan uinsuawari wow sniawthooh ya kiwa da e ka bei rymaw ya i.

mini4

Da wan wai ya kani ka park da u Dr. R.C. Laloo, Deputy Chief Minister ka jylla heiwa da pynsñiaw u yei emkaam leh u em ha ki kot ki sla ya kani ka spah wa em i yow tiplang ki pateiñ wa daw wan. Kamtæ da kyntu u cha waroh wow sdang noh u pyllang ya ka yutip wei wow sdang u thoh noh wei ym hoi u randien chisien wa da sdang. Da ong u leh wa ka jaitbru wa biang i thoh i tar toh ka wow ku cha khmat.

Advertisement ad1

0 Comments

Leave a Reply