August 11, 2022
Advertisement
Da: U W. Pakynteiñ
Ka Syntu Ksiar toh kawi na ki thaw uiñke suwari wa pawnaam ka Jowai, wei man ko ka thaw kawa pyngngaad wow uiñke la hei step næ i sngi i janmiet, katwon man iwa yoosuk u pait ya ka khamtam ha i por wa pynmiat ka chnat Soil and Water Conservation ya ka chirup wa ka Jaiñtia Fishing and Environment Protection Association, Jowai.
Advertisement
Advertisement
Katwon riñ sakhiat kani ka thaw ya ki paidbah wow brait khoi, muri wa ki baam ya ki dakha wa chong wa sah ha ka neibhah kat kiwa wan uiñke ymdam de ki wow rah baam dakha, wei i kymbrub ki dakha pynka-it mynsien i ya ki khynnah wa kamjooh leh kiwa heh.
Katni won katkam wa sakhi O da yoo wa ini i thaw da man i lakam i thaw wa chong ki bru dakaid.
Da bha i khloo, da sih ka luti, ym em de u yoosuk u nehsalia wow uiñke tang kajiak leh, mylliñ noh wot wow yahke ya ki khon wa ki lok na baar. Dei mynsien wa sooh rkhai, ong O wa wot kiwa khwe tooh leh yoh ki u rieh na kiwa boon neibhah wa da jrong da rben ki phlang ki ranem.
Lada ieh ya ini i thaw kamni, ym slem de u dooh noh i naam wei pyrtuid ka Syntu Ksiar.
Hajrong ini iwa thoh O lada poi i cha ki chkoor kiwa em hei bor, ngait skem O wa ki leh ym ieh khonswet ki ya ini i thaw khnang wow wandur wei wow wanrah biang i yei naam wei burom ka Syntu Ksiar.
