theme-sticky-logo-alt
theme-logo-alt
Advertisement ad1

Da sdang ya ka 1st 7-A-Side Knockout Football Tournament ha Lura, East Jaiñtia

Ka 1st 7-A-Side Knockout Football Tournament kawa pynlai da u Romeo Biam chirup wa ka 7 Wasa Football Club da sdang ko ha 6 tarik ha ka chnong Lura (Saizol) kawa em ha Saipung Block, East Jaiñtia Hills District.

Ya kani ka lympung da wan wai da u Monlang Nongtdu, Manager ka 7 Wasa Football Club kam u kongsan heiwa da pynsñiaw u yei thrang i angnood wow thooh ya ki khynnah wa em sap ha kylleiñ ka Ri-loom Jaiñtia wei wow yarap wow pynjanai ya i sap yong ki.

Chooh chooh da ong u wa ka thong wa ka ri India toh u booh ko wa kammon wow psiah ha ka lympung World Cup ha u 2034.

U Romeo da pynsñiaw u wa i thmu toh wow thooh ya ki khynnah wa em sap wow yoh yarap ki na ka 7 Wasa FC khnang wow pnah ki ha i sap yalehke Football.

U Oswal B. Nampui, President JYF Saipung Circle, da e khublei kyrpang u ya kiwa pynlai ya kani ka lympung neibhah wa man ko ka sien wa nyngkong dooh wow em kam kani ka lympung ryngkat wa i kular wow wailaad ya ki khynnah na ka thaaiñ. Da ong u wa kyrmen u wa lyngba kani ka yalehke daw ye u sai madan khlem artatien ya waroh ki khynnah wa em sap.

U L. Ngamlai, Waheh Chnong Lura (Saizol) wa u Lalthanhawla Darnei, Secretary da man ki kam kiwa chah khut sñiawbha ha kani ka sngi.

Share this:
Previous

Ka lai paidbah ha Khliehriat yow pyndooh ya ki kaam thombor ya ki kynthai

Next

Daw chimpor ka AITC wow wandur ko ha ka jylla: James Sangma