Da sdang ya ka CM Care+ yow yarap su ya ka bai sumaar wa syad dor

Ka chnat Health & Family Welfare ka Meghalaya da pyntip ko wa kam chibynta wow e yarap ha ki kaam sumaar sukhær khamtam wow su ka bai sumaar najrong ka Megha Health Insurance Scheme (MHIS) wa ka Pradhan Mantri Jan Arogya Yojana (PMJAY) ki wym em ye u su neibynta ki jait sumaar wa syad dor, da wanrah da ka CM Care+ Scheme ka wow krehkaam noh chisiendon.

Kani ka Scheme daw e yarap ko palat ya ka Rs. 5.30 lak wa da e hapoh ka MHIS-PMJAY ha ka chi snem iwa mut wa kitu kiwa da pynlut ya kani ka Rs. 5.30 lak daw yoh yarap chooh chooh ki kamjooh neibynta ki chah sumaar wym em hapoh ka MHIS-PMJAY.

Ya kani ka e yarap daw hap yoh yei mynjur hapoh ka District lyngba ka Committee wow khlieh da ki DC wei kani daw e yarap ko hadooh Rs. 2 lak wei hapoh ka jylla daw em da ka High Level Committee wow khlieh da u Chief Executive Officer ka State Nodal Agency kawa daw e yarap na Rs. 2 lak chadooh Rs. 5 lak. Waroh kini toh u lai ki lyngba ka E-Proposal System kawa daw chim rai da ka yung krehkaam u Montri Rangbah neibynta ka Committee wa em ha ka District kamjooh ka State Level.

I pynkrehkaam ya kani ka Scheme daw pait da ka chnat Health & Family Welfare Department yow man ko kawa khooid wa suba wei kawa man salonsar wei ka poisa yarap u man ko katkam ka bai sumaar wa da kheiñ da ki Hospital.

Related posts

Yaroh u nong German ya ka India hadien wa chah sumaar dait ksaw dei mynkna

April 11, 2026

Dang yang ka sorkar ya ka bui heiyatoh wa ka 108 Emergency Services: Wailadmiki

April 10, 2026

Ka poisa neibynta kani ka Scheme toh kawa wan lyngba ka MHIS State Corpus Fund heiwa ha uni u snem mang tyngka 2025-26 ka sorkar da booh ko Rs. 180 klur.