Ka Adventist Secondary School, West Jaiñtia Hills da soi soskular ko wa ka Imperial Coaching Centre kam chibynta ka School Integrated Program (SIP) yow wanrah ya ka NEET, JEE wa CUET Coaching yow pynsuk ya ki khynnah ka District.
Ka skur da ong ko wa waroh chi kattu, ka Jaiñtia Hills da maad ko yei eh khamtam kitu kiwa kwah wow lai puræ Doctor wa Engineering heiwa da hap lai ki cha jngai yow yoh Coaching neibynta ka NEET-JEE-CUET.
Deiwa hap lai cha jngai da man ko leh ka lut phut ya ka yung ka sem tangwa deiwa em pyn cha i kam kani ka Coaching Centre daw man ko leh kam wow e mynsien ya kitu kiwa em i thrang wow poi cha ka thong.
Da yooluti leh deiwa em kani ka Coaching Centre daw wai luti ko ya ki khynnah ki wym yoh kam kani ka laad.
Kitu kiwa kwah wow yoh Coaching ye ki wow chimbynta ha All Meghalaya NEET Test Series (AMNTS 2026) kawa daw pynman ha ka 30-03-26 wa ha ka 24-04-26.
Yow tip bniah yei wow Phone ha kini ki Number-9975686950 wa 8073983327.
Discussion about this post