Ha ka yalang wa kyrpang wa da man ynne ka sngi ha Community Hall Khliehriat West, ki seiñ wa pait yei lai bait i kaam ha i khayi pateiñ da chna ki ya ka Joint Action Committee (JAC) hapoh East Jaiñtia wei da jied leh ya kiwa kitkaam yong ka.
Ki hapoh ka JAC kynthup ki ya ka East Jaiñtia Coal Supplier and Minerals Association, ka All Jaiñtia Cement Clinker Association, ka East Jaiñtia Hills Truck Owners and Transporters Association, ka East Jaiñtia Drivers Association, East Jaiñtia Limestone Supplier Association wa ka Jaiñtia Coal Miners and Dealers Association.
Kiwa kitkaam kani ka JAC toh u President u Justine Dkhar; u General Secretary u Soomeyoo Sayoo; Treasurer u Hambertus Nongtdu; Adviser u Amos Dkhar wa u Deibor Sungoh.
Da thung ya waroh ki President yong kini ki 6 seiñ kam ki Vice President, kamjooh leh waroh ki Secretary yong kini ki seiñ kam ki Assistant Secretary yong ka JAC wei da jied leh 33 ngut kam ki dkhot ka Executive Committee.
Kiwa yahkhmat ka JAC da ong ki wa hadien wa da yoo wei da bichaar bniah ki yei man i long ka rukom khayi pateiñ, da chem ki wa em boon i tkoh wei duna ha kiwa boon ki bynta kiwa jooh wanrah yei eh iwa wanrah leh yei doohnong ya ki paidbah wa khayi iwa ktah leh ya ka khayi pateiñ yong waroh ki paidbah solonsar ha Ri-loom Jaiñtia.
Discussion about this post