15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da sdang ya ka JFA wow pynwandur ya ka sap yalehke Football ki khynnah ka ri-loom Jaiñtia

0 Comments
Advertisement ad1
Advertisement ad1
Advertisement ad1

Jowai: Kiwa chong chnong wa maya ya ka yalehke Football na ri-loom Jaiñtia, da sdang ki ya ka Academy namo ka chlem e sikai kawa nyngkong dooh kawa tip kam ka Jaiñtia Football Academy (JFA) neibynta wow seiñdur ya ka kaam yalehke neibynta ki khynnah chynrang wa kynthai nadooh dang khian rta.

Kani ka Academy toh kawa da tipmit hapoh ka Society Act 1860 nadooh u Naisaphra (Aug) 2018 wei da em ko ka riti krehkaam kawa pura wa i thmu yong kani ka chlem e sikai toh wow pynkhai u e sikai kawa biang namo ka Professional Coaching lyngba ki Coach cha ki khynnah yong ka thaaiñ kamjooh kiwa na baar.

Advertisement ad1

Da sdang wow wai paidbah ya kani ka Academy ha ka 23-11-2018 da u President yong ka JFA deilang wa u General Secretary ka JFA u Paul Synnah wa u Ryum Khonglah, AFC ‘C’ License Coach deilang wa kiwi kiwi ki dkhot wa hakhmat kani ka Academy.

U President yong ka JFA, u Paul Synnah da ong u, “Ka jylla yong i hi ka yalehke Football man hi ko ka syiem yong ka yalehke. Nadooh ki khynnah khian hadooh kiwa khynroo leh sñiawsuk ki wow yalehke Football, wei katni i por da poi i wa wow kyruiñ wow e ya ka sikai kawa paka ya ki khynnah kiwa yalehke Football wow pynchlur ya ki yow ye ki u kaap luti cha khmat dei bor yong ki hi”.

“I por leh da toh i wow pynman ya ki yalehke wow wailaad wai luti ya ki khynnah nadooh dang khian rta wow yoh ki u chimbynta ha ki lympung waphær waphær yow yoh ki u pynyoo yei sep wei wow maad ki leh kammon man wow chimbynta ha ki lympung yalehbol nadooh wa dang khian.” da pynrap u Ryum Khonglah.

Kam wow pynkynmoo u wa ha u snem 2013 kini ki jooh ki bru da sdang ki ya ka Jowai United Football Club, kawa boon na ki khynnah na kylleiñ ka thaaiñ da chah hikai ki, tangwa neidaw wa i thmu hi man i wow e sikai da seiñ noh da ka Academy wow pynman wow chem ya kiwa em sap hapoh kani ka chlem e sikai kani ka Academy.

Kiwa ksoh kaam ka Jaiñtia Football Academy man ki kani hawah:

President- Paul Synnah

Working President-  Kmenlang Shylla

Vice-President- Nangtiaki Tariang

General Secretary- Ryum . T. Khonglah

Asst. General Secretary-  Manroy Dkhar

Finance Secretary- Reuveny Nongtdu

Media Secretary-  Russel Nongrum

Organizing Secretary-  Mararki Patwet

Executive Committee Member:

Lomis Langstang, Tyrshain Siangshai, Monjur Lyngdoh,  Deo Valente Tang, Khroobok Passah, Deuteronomy Diengdoh, Pynwan Dhar, Embhah Nongjngi, Risly Salanmiki Passah,  Donbok Bamon wa u  Person Syrti.

Share this:
Previous

Wow chim ya ka Injection Ñiangpyrchit chong ha i sniawthooh yong samen ym ye u pynbor: Al Hek

Next

Khlaad noh ka Lidia Sutnga