Da sdang ya ka lieñsuiñ wa lai na Shillong cha Dibrugarh

U Montri ka sorkar pyrdi wa pait ya ka Civil Aviation, u Jyotiraditya M. Scindia, u Montri Khynnah ka Civil Aviation, u General Dr. V K Singh (Retd.) deilang wa u Rajiv Bansal, Secretary, Ministry of Civil Aviation (MoCA) da kaweh lama ki lyngba ka Internet ya ka lieñsuiñ wa hær na Shillong cha Dibrugarh hapoh ka Regional Connectivity Scheme – UdeDeshKaAamNaagrik (RCS-UDAN) ka sorkar India.

Neiliang ka sorkar da emlang u Conard Sangma, Montri Rangbah, u Prestone Tynsong, Symbood Montri Rangbah, u Vincent H Pala, MP, Lok Sabha, Shillong, u Dr. Wanweiroy Kharlukhi, MP, Rajya Sabha, Shillong, u Dasakhiatbha Lamare, u Montri ka chnat Transport, Public Works Department (Buildings), U Sanbor Shullai u Montri ka chnat Labour.

Ka Usha Padhee, Joint Secretary, Ministry of Civil Aviation deilang wa kiwi ki heh ka MoCA da emlang ki ha kani ka yalang ka MoCA.

Neiliang u Jyotiraditya M. Scindia da ong u wa ka Shillong man ko kam kawi ka thaw em chajrong bha wei kawa jhieh bha hapoh pyrthai. Da ong u wa kani ka thaw toh kawa emkaam bha ym du ya ka ri kamjooh leh ya ka pyrthai waroh kawi. “Ya ka Shillong da tip leh kam ka Scotland of the East neidaw wa em ko ya ki loom, ki krem, ki kchaaid wa jrong, ki thaw wa miat, i rukom yong u warim waka dustur riti wa mahajon. Ym em iyi iyi wa ka Meghalaya ym ye ko wow e. Da taan ko ya kiwa uiñke suwari na kylleiñ ka pyrthai.”

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

U Montri da ong u leh wa ha u 2014 da em du 6 tylli ki Airport wa krehkaam hapoh ka Northeast iwa katni da ku cha 15 tylli ki Airport ha u 2021. Wei du hapoh 7 snem da poi cha kani ka thong. Da kular u leh wa ini toh du i sdang donhi, wei daw booh leh sa ki Helicopter yow poi cha ki thaw wa chitom u poi. Wei yeini da sdang leh ya Helicopter Policy yow pynkrehkaam ya ka Heli Service ha Northeast. I thong toh wow wanrah ya kiwa uiñke suwari na kylleiñ ka ri cha ka Northeast.

Kamtæ da ong u wa deiwa pynbiang ya ini waroh daw lait ki bru wow pynlut por hadooh 12 kynta da u sarok wa da ka rel yow lai na Shillong cha Dibrugarh wei kattu daw chimpor noh du 75 minit.

Yow lai na Shillong-Dibrugarh da yoh da ka Indigo hadien wa da ya thong ha ka UDAN 4 Bidding Process. Wei daw pynemkaam da ka lieñsuiñ wa em 78 tylli ki thaw chnong kiwa tip kam ki ATR 72 Aircraft.

Hadooh katni, da em 389 tylli ki luti lieñsuiñ wa da pynemkaam wa 62 tylli ki Airport (wa kynthup ya 5 tylli ki Heliports wa 2 tylli ki Water Aerodromes) hapoh ka UDAN Scheme. Kani ka Scheme toh yow pynyabi da ki lieñsuiñ ya waroh ki jylla ka ri.

I por wa lai kani ka lieñsuiñ man i kamni ha wah: