Kiwa dang yoh COVID-19 ha Meghalaya da neh ki hapoh 50 ngut la le sngi, hapoh 100 ngut la 18 sngi wa hapoh 200 ngut la 34 sngi wei kiwa dang chait da boon ki ya kiwa dang yoh la 6 sngi khlem sangeh.
Kiwa dang yoh ynne ka 26 tarik da em ki 31 ngut, kiwa dang chait 89 ngut wei ym em kiwa dang yap iwa man leh la ar sngi.
Na kiwa dang yoh kiwa boon dooh toh ha East Khasi Hills (25) katwa ha kiwi ki District deiwa kheiñlang da em ki 6 ngut kiwa ha North Garo Hills (01), Ri-Bhoi (01), South West Khasi Hills (01), West Garo Hills (01), West Jaiñtia Hills (01) wa ha West Khasi Hills (01) katwa ha East Garo, East Jaiñtia, South Garo wa ha South West Garo Hills ym em kiwa dang yoh.
Na kiwa dang chait kiwa boon dooh toh ha East Khasi Hills (57), West Khasi Hills (19) wa ha West Jaiñtia Hills (07).
Ki District wa duna dooh kiwa dang chah ktah toh ha South West Khasi Hills (02), South Garo Hills (02), North Garo Hills (02), South West Garo Hills (03), East Jaiñtia Hills (03), East Garo Hills (07) wa ha West Garo Hills (13).
Ki District wa boon dooh kiwa dang chah ktah toh ha East Khasi Hills (332), West Khasi Hills (93), West Jaiñtia Hills (43) wa ha Ri-Bhoi (29).
Waroh kiwa da chait da em ki 97.63% kiwa em 81,440 ngut, kiwa dang chah ktah da em ki 0.63% kiwa em 529 ngut, kiwa yap 1.73% kiwa em 1446 ngut, deilang dapoi 83,415 ngut kiwa da dep yoh ya uni u khñiang hapoh ka jylla.
Heiyatoh wa i e tika hapoh ka jylla, da dep wow e la 17,12,431 sien heiwa ynne ka sngi da e 8198 sien wa kynthup ya ki HCW 39 ngut, ki FLW 97 ngut, ki 18 snem chaneiñ 6679 ngut wa kiwa 45 snem chaneiñ 1383 ngut. Kiwa yoh tika ynne ka sngi kynthup ki leh ya ki 1126 ngut kiwa yoh yei sien wa nyngkong wa 7072 ngut kiwa yoh yei sien wa ar.
Waroh kiwa da yoh tika chisien da em ki 10,97,759 ngut wa 6,14,672 ngut kiwa yoh la arsien.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah: