Ka sorkar Meghalaya ynnin da wai ko ya ka PRIME Sauramandala Rural Entrepreneurship Fellowship (PSREF) wei kani toh deiwa ya krehlang ka PRIME Meghalaya waka Sauramandala Foundation wei ya ka yalang wai da pynman kam chibynta ka Chief Minister’s Startup & CSR Week 2022, ha State Convention Centre, Shillong.
Kani toh wow yarap ya kiwa seiñkhih wa em cha palatsor namo ka Rural Entrepreneurship kawa pait da ka Planning Department ka sorkar Meghalaya deiwa ya krehlang waka Sauramandala Foundation waka Rainmatter Foundation.
Kani man ko leh kyrpang ya kitu kiwa kwah wow wanrah yei kylla kiwa na baar jylla kamjooh kiwa napoh ka jylla neibynta ki thaw wa duna i roi i paar kiwa em cha palatsor.
Da jied ya 24 ngut ki bru kam chibynta ka bhah wa nyngkong wa kynthup ya 8 ngut kiwa na baar ka jylla yow e ki yei pynsñiawthooh yei rukom kreh ki ha ki jylla yong ki wa 16 ngut kiwa napoh ka jylla Meghalaya kiwa sñiawthooh yei rukom man ki bru hapoh ka jylla.
Da sdang leh ya 8 tylli ki Field Units ha ki 8 tylli ki Block ha ki 8 tylli ki District ka Meghalaya.
Ha kani ka yalang da pynkup burom leh ya kiwa seiñkhih na kylleiñ ka jylla hapoh ka PRIME Meghalaya wa kiwa da pyndep yei chah sikai deiwa pynlait leh ya ka poisa kawa T. 3.30 klur cha kini kiwa seiñ khih.
