Hajrong ka thong kawa ong ‘Clean India Healthy India’ namo ka ri kawa khooid kawa chait wa tram, neiliang ka NEIGRIHMS da sdang ko ya ka Swachhta Pakhwada Program kam chibynta yong ka Swachh Bharat Abhiyan.
Nadooh ynne ka 1 tarik hadooh ka 15 tarik uni u bnai, ka NEIGRIHMS daw pynman ko ya i pynkhooid pynjngiar ya kani ka thaw wa ki chnong wa em hapoh sor Shillong.
Ha kani ka sngi wa sdang ya kani ka kaam, ki Doctor, ki wakreh kamjooh kiwa chah sumaar da e ki ya ki kyntien kular (Swachhta Pledge) hei emlang u Director NEIGRIHMS u Prof. Nalin Mehta, Medical Superintendent, Prof. C Daniala, Dean NEIGRIHMS Prof. Asima Bhattachryya wa ka Amanda Jyrwa (President Rotary Club Shillong).
Ka NEIGRIHMS daw pynman ko leh ya i pynkhooid, ka Health Conference, ka yakob Debate wa ka Skit Competition ha ki 15 sngi wow wan hajrong kani ka thong chirup i krehlang wa ka Rotary Club Shillong.
Hadien wa e ya ki kyntien kular, da pynman ya i pynkhooid kamjooh i thung dieñ ha NEIGRIHMS.
