15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da sdang yaka 18th Open to All Badminton Championship ka Loompyrdi Iongpiah

Advertisement ad1

Ka Loompyrdi Iongpiah Sports & Games Committee hadien i khanglaad ka khlam COVID-19, da ye biang ko u pynman yaka lympung yalehke Badminton ynnin i janmiet kawa tip kam ka 18th Open to All Badminton Championship 2021 ha Seiñraij Indoor Sport Hall Tpep Pale, Jowai.

Yaka yalehke da wan wai pyrda da u President ka Seiñraij Jowai u O.R. Challam, hei emlang u Dr. W. Kharshiing, President Meghalaya State Badminton Association Shillong, u General Secretary Seiñraij Jowai u Arwotki Sumer deiwa emlang kiwa chimbynta haka yalang wa pynlai da u Tympanglang Laloo, Chairman Loompyrdi Iongpiah Sports & Games Committee.

Neiliang u O.R. Challam yaroh u yei pyrchang yong ki dong ki chnong wow thooh ki laad ki luti hajrong kammon u chna yaki thaw pynjra-doh kamjooh ki thaw yalehke, kiwa man chibynta u wailaad yaki sap ki phong yong kiwa chong chnong, heijooh i por wa man haroh kawa emkaam neibynta i chait i khiah yong u bru.

Kamtæ yooluti u wa kani ka yalehke u man kawa lai bait lai ryntih, wei pyn-eh bok pyn-eh nasib haroh u ya kiwa chimbynta wow leh bha ki nadooh wa sdang hadooh wa kut ka yalehke.

Ya kiwa chimbynta da bhah haki kyrdan waphær waphær wa kynthup yaka Mens Double 35+, Men’s Double, Men’s Single 35+, Men’s Double 50+, Mixed Doubles, Men’s Single 50+ wa Men’s Single.

Share this:
Previous

Maham ka KSU ya kiwa tynyap khiar ya ki dakha ha wah Umngot

Next

COVID-19: Palat 96,000 ngut kiwa dang yoh, 43 lak sien da e dawai yada ha chi sngi ha India