Ka Dorbar Chnong Tympang Iawmusiang, Jowai ynne ka sngi da sdang ko ya i pynkhooid yaki luti ki syngkieñ wa em ha pohyaw harood ka Iawmusiang Market Complex kam chibynta wow yada nei poor ka khlam COVID-19.
Ini i pynkhooid toh iwa ar sngi i wow pteiñ hadooh mynstep ka sngi Saturday wei ha kini ki bynta wa pynkhooid da khang leh wow chongdai ha kini ki arsngi.
Kam wow pynkynmoo wa ha ri-loom Jaiñtia ha kini ki tayaw wa da dep da chem wa da em kiwa yoh COVID-19 kiwa chong dai dukan ha ki yaw ki haat.
Ka Dorbar Chnong da pynbna ko leh wa da khang wow pynemkaam yaki muna Plastic da kiwa chong dai kamjooh kiwa wan thied nadooh wa sdang u Naisaphra (Aug) 2020.
