15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

COVID-19: Da tam 16 lak ngut kiwa da yoh ha India, 64.55% kiwa da chait

Advertisement ad1
Advertisement ad1

Kiwa dang chah ktah ha u COVID-19 hapoh ka ri da em biang ki palat 50 hajar la ar sngi deiwa em 55,078 ngut kiwa dang chah ktah ha kini ki 24 kynta hadooh ynne i step ka 31 tarik, katkam ka yukheiñ ka Ministry of Health & Family Welfare deilang waka ICMR.

Na kiwa dang chah ktah, da em 37,223 ngut kiwa da chait. Kiwa dang em ya uni u khñiang da ku ki da 17,076 ngut wa sa 779 ngut kiwa yap.

Na ki jylla wa boon dooh wa ku kiwa dang em ya uni u khñiang toh ha Andhra Pradesh 5,481 ngut, Uttar Pradesh 2,652 ngut, Karnataka 2,252 ngut, Maharashtra 2,021 ngut wa ha Bihar 1,363 ngut.

Na ki jylla wa boon dooh kiwa chait- ha Maharashtra da em 8,860 ngut, Tamil Nadu 5,295 ngut, Andhra Pradesh 4,618 ngut wa ha West Bengal 2,140 ngut.

Hapoh ka ri kiwa chait da em ki 64.55% iwa ku naka 64.44% kiwa em waroh 1,057,805 ngut. Kiwa dang em ya uni u khñiang da em ki 33.27% iwa hiar naka 33.35% kiwa em waroh 545,318 ngut. Kiwa yap da em ki 2.18% kiwa em waroh 35,747 ngut. Deiwa kheiñlang waroh da em 16,38,870 ngut kiwa da dep yoh COVID-19.

Kiwa da chait da tam ki da 5,12,487 ngut ya kiwa dang em ya uni u khñiang iwa ku da 20,147 ngut nadooh ynnin ka sngi.

Share this:
Previous

Khang pyrchah ka Mukhla Mission ya kiwa na baar wow psiah chapoh ka chnong

Next

Da sdang yei pynkhooid yaki luti ha Iawmusiang