Ynne da pynman yei soi soskular Memorandum of Understanding (MoU) hapyrdi ki bor District ka East Jaiñtia Hills wa ka Mihmyntdu Community Social WelfareAssociation (MCSWA) TI CC, Khliehriat yow sdang ya ka De-Addiction & Rehabilitation Centre hapoh ka District.
Katkam kani ka soskular u e ya ka MCSWA ya kawi ka yung wai wym hap ki wow su wei yei yung daw pynchna pynmiat da ka poisa napoh ka DMF yow ye ko wow man kam ka Minimum National Quality Standard for Rehabilitation Centres chwa wow e kti ka.
Manda krehkaam ko daw sdang wow e yarap ya ki chynrang donhi deiwa e ya ka Clinical Detox Support, Therapeutic & Psychiatric Counselling, Social Reintegration & Family Counselling, Relapse Prevention wei wow booddien leh ya kitu kiwa da ye wow chait.
Ya kani ka De-Addiction & Rehabilitation Centre daw booh ka ha Dienchynrum.
Neiliang u Aris J. Nongkynrih, Chief Functionary, MCSWA da ong ko wa ka thong toh wow booh ya ka 15-Bedded Drug De-Addiction & Rehabilitation Centre ha East Jaiñtia Hills District.
Ka J.N. Shullai, Director ka MCSWA hawa e yei klam da e khublei ko yei kreh chitom ki VDP ka East Jaiñtia Hills deiwa kyntu leh wym toh wow lehbeiñ ya kiwa dih drugs.
Ha kani ka sngi da emlang leh ka MLA ka Sutnga Saipung ka Santa Marry Shylla, deilang u DC, u S. Awasthi wa kiwi de heiwa da pynman leh yei pynsñiawthooh paidbah.
Discussion about this post