Ki paidbah ka Lapangap, West Jaiñtia Hills chirup wa kiwi wa wan na kiwi ki chnong wa marjan kiwa da em palat 900 ngut ynne da pteiñ ki wow ah ya u kba deiwa suk ha Pynthor Lapangap heiwa da yoh leh wow ah rap boon.
Ya i ah kba ki paidbah da synraan da ki pulit ka Meghalaya wa Assam wow pyntikna wa man i ah wa lai bait.
Ya u kba da ah ha Umchyrngan wa ha Lumkawang kiwa man ki bynta yong ka Pynthor Lapangap kamjooh wa na Nongjrong.
Du ynne da ye u ah ya u kba na ki hali wa heh kamwa 36 Hectare.
Neiliang u Deimonmi Lyngdoh uwa man u Waheh Chnong ka Lapangap da ong u wa ynne i ah kba da man i iwa lai bait heiwa da ye wow ah rap boon ya u kba heiwa da sdang ya i ah kba nadooh 10:00 waje i step.
Discussion about this post