I e tika hapoh ka jylla Meghalaya ynne da tam i 14 lak sien deiwa sdang boon biang kiwa wan chakhmat wow chim tika nadooh ka 6 tarik deiwa em kamwa 8000 ngut wa wan chakhmat man-ka-sngi iwa da pynpoi ya kiwa da yoh tika chisien wow em ki 51.7% katwa kiwa da yoh la arsien da em ki 17.7%.
Kiwa boon ngut dooh kiwa da yoh tika chisien toh ha East Khasi Hills kiwa em 3,02,958 ngut iwa man 53.7% iwa pynbood sa ka West Garo Hills kiwa em 1,99,987 ngut iwa man 58.6% kiwa man leh ki ar District kiwa em palat 1 lak ngut kiwa da dep yoh tika chisien.
Deiwa kheiñ da ka Percentage, kiwa da yoh tika wa boon dooh toh ha South West Garo Hills 73.4% wa em 68,893 ngut kiwa da yoh tika chisien katwa kiwa duna dooh toh ha West Khasi Hills 37.7% kiwa em 72,967 ngut kiwa da yoh tika chisien.
Ki District wa em palat 50% kiwa da yoh tika chisien toh ha South West Garo Hills 73.4%, East Jaiñtia Hills 71.2%, West Garo Hills 58.6% wa ha East Khasi Hills 53.7%.
Ha West Jaiñtia Hills kiwa da yoh tika chisien da em ki 81,033 ngut iwa man 43.7% katwa kiwa da yoh la arsein da em ki 27,960 ngut iwa man 15.1%.
Ha East Jaiñtia Hills kiwa da yoh tika chisien da em ki 61,327 ngut iwa man 71.2% katwa kiwa da yoh la arsien da em ki 18,573 ngut iwa man 21.5%.
Ynne ka sngi da e tika 7731 sien wa kynthup ya ki HCW 40 ngut, ki FLW 325 ngut, kiwa 18 snem chaneiñ 6611 ngut wa kiwa 45 snem chaneiñ 755 ngut. Kiwa yoh tika ynne kynthup ki leh ya ki 1127 ngut kiwa yoh yei sien wa nyngkong wa 6604 ngut kiwa yoh yei sien wa ar.
Waroh kiwa da yoh tika chisien da em ki 10,46,575 ngut katwa kiwa da yoh la arsien da em ki 3,58,537 ngut.