I e tika yada COVID-19 ha Meghalaya ynne ka sngi da tam i 15 lak sien deiwa e 7,744 sien ynne iwa mut wa kiwa da dep yoh tika chisien da em ki 52.6% katwa kiwa da yoh waroh arsien da em ki 21.6%.
Kiwa dang yoh tika ynne ka sngi kynthup ki ya ki HCW 57 ngut, ki FLW 247 ngut, kiwa18 snem chaneiñ 6421 ngut wa kiwa 45 snem chaneiñ 1019 ngut. Kiwa dang yoh ynne ka sngi kyntup ki leh ya ki 1234 ngut kiwa dang yoh yei sien wa nyngkong wa 6510 ngut kiwa yoh yei sien wa ar.
Ka District wa da tam 1 lak ngut kiwa da yoh tika chisien wa arsien toh ka East Khasi Hills kawa em 3,08,618 ngut kiwa da yoh chsien wa kiwa da yoh arsien 1,64,843 ngut katwa ha West Garo Hills da em 2,02,964 ngut kiwa da yoh chisien katwa kiwa yoh la arsien dang em ki hapoh 1 lak ngut (75,697).
Deiwa kheiñ won da ka Percentage kawa heh dooh kiwa da dep yoh tika chsien toh ha South West Garo Hills 74.5% iwa pynbood da ka East Jaiñtia Hills 72.4%. Katwa kiwa duna dooh toh ha West Khasi Hills 38.5% iwa pynbood sa ka South Garo Hills 40.9%.
Ki District kiwa da em 50% chaneiñ kiwa da dep yoh tika chsien toh ka Ri-Bhoi 50.2%, East Khasi Hills 54.7%, West Garo Hills 59.4%, East Jaiñtia Hills 72.4% waka South West Garo Hills 74.5%.
Waroh kiwa da yoh tika chisien da em ki 10,65,219 ngut wa 4,38,685 ngut kiwa da yoh la arsien iwa mut wa waroh da dep wow e tika la 15,03,904 sien.
I e tika ha ki District ka jylla man ki kamni ha wah:
