Ki kynthai ka Tyllilang Basketball Academy kiwa da chimbynta ha ka nyngkong dooh ka All India Basketball Tournament kawa da e pyrtuid 5X5 Basketball Championship kawa pynman da ka Himalayan International Residential School ha Siliguri, Assam da sdang ki yei e reiñ da ki artylli ki yalehke ynne ka sngi.
Ha ka yalehke wa nyngkong, ka Tyllilang da yachem ko wa ka Gangyap kawa na Sikkim heipor 11:00 waje i step heiwa da ye ki wow leh bha ha ka kylla step. Tangwa ka liang pyrchah da khlan ware ko heiwa ka Gangyap da jop ko ya ka Tyllilang da 45-20.
Ha ka yalehke wa ar, ka Tyllilang da yachem ko wa ka Siliguri Warriors heipor 04:00 waje i janmiet wei da emkaam ki wow jop yow neh hapoh kani ka lympung heiwa da yoh yei jop da 28-06.
Mynstep daw yaleh ya ka yalehke wa khaddooh yow yoh u psiah cha ka Semifinal kawa emkaam ki wow jop ya ka Power Cube heipor 06:00 waje i step wei ya kani ka yalehke daw pynyoo kam wa jia namo Live ha ka Facebook Page ka Tyllilang.
