15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da tam 6000 ngut kiwa da dep yoh COVID-19 ha Manipur

Advertisement ad1
Advertisement ad1

Kiwa yoh COVID-19 ha Manipur da poi ki cha 6112 ngut wa kyntup ya 1,845 ngut kiwa dang em ya uni u khñiang wa 4,239 kiwa chait hadooh ynne ka sngi Bibar.

Ha kini ki 24 kynta da em 152 ngut kiwa dang yoh COVID-19 katkam wa pyntip ka kyrwoh naka COVID-19 Common Control Room. Na kini kiwa dang yoh 133 ngut toh ki bru paidbah, wa kynthup ya 73 ngut ki chynrang wa 60 ngut ki kynthai katwa 19 ngut toh kiwa naka Central Armed Police Force (CAPF).

Na kiwa dang yoh 49 ngut toh kiwa na Imphal West, 24 na Imphal East, 20 na Thoubal, 18 na Kakching, 6 na Ukhrul, 4 na Tengnoupal, 2 na Bishnupur wa mar 1 na Kangpokpi, Chandel wa Senapati. 32 ngut na ki bru paidbah toh kiwa liwan na kiwi ki jylla katwa kiwi ki 101 ngut ki bru paidbah toh kiwa ym em lai jngai.

Da em 53 ngut leh kiwa dang chait ha kini ki 24 kynta kiwa da pyntikna deiwa Test daka RT-PCR. Waroh kiwa da chait da em ki 4,239 (ki paidbah- 3410, ki chipai – 829). Wa kini ki 53 ngut da poi kiwa chait 69.35%.

Na kiwa dang em ya uni u khñiang kiwa em 1,845 ngut, ki bru paidbah da em ki 1,116 ngut wa ki chipai 729 ngut katwa kiwa yap da em ki 28 ngut.

Na waroh 6112 ngut kiwa da dep yoh, 4552 ngut toh ki bru paidbah wa 1560 ngut ki bru chipai.

Share this:
Previous

Pynkha ka HANM yaka Biar Unit

Next

Baamsmai ki dkhot ka KSU ha Shangpung wa ha Sahsniang