Ka Dorbar Chnong Mynthong, Jowai hei miet ka 24 tarik uni u bnai da pynlait paidbah ko ya ki Ticket Lucky Draw 2026 kiwa daw pynkhle ha ka Fete kawa daw pynman ha ka 9 tarik u October 2026.
Ya kini ki Ticket Lucky Draw da pynlait paidbah ha ka yalang wa da pynman ha Community Hall ka dorbar chnong hi, wei u kongsan toh u Riki H. Suting, Asst. Executive Engineer, Sohra Sub-Division-1 (PWD Roads).
Ha ka yalang wa pynlai da u Waheh Chnong, u L. Pohktai da yoh i klam tbian na u Cheris R. Pasi, Secretary Chnong Mynthong uwa da pynsñiaw heiyatoh i thmu ka chnong u pynmih poisa neibynta u pyndep ya ka Community Hall.
Neiliang u kongsan uwa man leh u dkhot yong kani hi ka chnong, hawa klam da e u i kyrkhu kyrdoh ya ka chnong Mynthong yow nang lai ko chakhmat ha ki kaam wa i thmu yong ka neibynta i bha i miat yong kiwa chong chnong waroh.
Chwa ini da yoh i klam pdiang na u Broel Sumer, Chairman Fete Committee, neitæ da yoh won yei kyntien e khublei na u Rijied Pdang, Secretary Fete Committee.
Ha uni u snem ka 1st Prize man ko Rs. 1,10,00, ka 2nd Prize Rs. 50,000, ka 3rd Prize Rs. 20,000. Ki Consolation Prize da em ki le tylli kiwa mar Rs. 2000 kawi.
Discussion about this post