Ha ka 15 tarik uni u bnai, u Chairman wa General Secretary ka Demthring Sports Club da ujor ki ha u President ka West Jaiñtia District Sports Association (WJDSA) uwa man leh u DC ka West Jaiñtia Hills, heiwa da ong ki wa da Suspend yabor ya kiwa yalehke khlem ka sabut.
Ya kani ka ujor da bichaar da u Executive Magistrate uwa man leh u Border Magistrate heiwa da khut ya ki yalang wow klam yasuk tangwa ym em iwon iwon i mih ki soh wa jop.
Katwa dang sylli ya ini i kaam da pynbait leh ya ka Final ka Super Division wow pynman ha kani ka 23 tarik hapyrdi ka Khimusniang wa ka Ladthadlaboh wei neiliang ka Demthring Sports Club da e dorkhat biang ko ha ka 19 tarik wow pyrchah ya kani ka Final neidaw wa da leh jhan ya ka khlembood ya ki kyndon ki bor District.
Kamtæ hajrong kini waroh, ki bor District ynne ka 22 tarik da thung ko ya ka takit namo ka Enquiry hajrong ki dorkhat ka Demthring Sports Club wow bichaar bniah ya ini i kaam.
Kamtæ da pynsangeh ya ka Final yong kani ka Football ka wow man ha ka 23 tarik kat hadooh wa pynbna deiwi.
Discussion about this post