Da thung ya ka S. Phangnon Konyak kam ka dkhot ka Court yong ka NEHU

Ka S. Phangnon Konyak kawa man ka Member of Parliament (Rajya Sabha) na Nagaland, da thung ya ka kam ka dkhot ka Court yong ka North-Eastern Hill University (NEHU) da u Vice President ka ri India wa u Chairman ka Rajya Sabha nadooh ka 15 tarik uni u bnai. Ya ini da pyntip da ka Rajya Sabha Secretariat.

Ha ka 19 Naiynñiaw 1973 lyngba ka Act of Parliament, da sdang ya ka skurbah NEHU wow e i stat ha ki kyrdan wa chajrong (higher education) neibynta ka thaaiñ mihsngi. Hawa sdang u pood yong ka kynthup u ya ka Meghalaya wa Nagaland, kamjooh ki Union Territory kam ka Arunachal Pradesh wa Mizoram.

Nadooh wa sdang ya ka, ka NEHU da chakri ko wow e i stat i tip ya ki khynnah ka thaaiñ heiwa da pynmih ya ki khroo pyrkhat, ki sahep sorkar, kiwa mihkhmat paidbah wa kiwi kiwa da chakri ya ka ri.

I thung ya ka Konyak pynyoo i yei chakri yong ka neibynta ki paidbah khamtam hei stat i tip ka thaaiñ mihsngi wei i thung ya ka kam ka dkhot ka Court ka NEHU lai ryntih i wa ki kyntien imsngi ka skurbah wa ong “Rise Up and Build” heiwa daw ye leh wow pynyajan ya ka skurbah wa ka thaaiñ.

Ka Konyak da ong ko wa dap ko dei mynsien wa kmen wa da tyrwa ya ka kam ka dkhot ka Court yong ka NEHU deiwa ekhublei ya u Vice President ka ri wa u Chairman ka Rajya Sabha, u Jagdeep Dhankhar.

Related posts

Daw pynlait ya ki Form Class XI (Commerce) ka Government Boys’ HSS, Jowai

May 5, 2025

Mih pyrtuid ka North Liberty wa Govt. Girls’ Jowai ha ka thup Top 10 ka HSSLC 2025

May 5, 2025

Kayi ka Court ha ka skurbah? Ka Court ha ka Skurbah man ko kam ka chnat wow pait ya ki kaam poisa wa i rukom krehkaam ka skurbah heiwa da khlieh ya ka da u Chancellor.