Ki pulit ka nongbah New Delhi da pyntip ki wa ynne i step kawi ka kynthai wa 20 snem i rta na Manipur da nohyap ko najrong i yung wa sah ko ha Sunlight Colony.
Ha i step kamwa 6:22 da yoh phone ka PCR wa em iwi i metyap yong ka kynthai ha Maharani Park. Ya kani ka kynthai da tip kam ka Priyaluxmi Devi Khangebam na Bishnupur District ka jylla Manipur.
Ka Priyaluxmi da wan ko cha Delhi nadooh u Naichiphaw 2024 wei sah ko ha ka mala wa le ha Kilokari wa ka lok ko wei kreh ki ha kawi ka Company BPO ha Noida.
Katkam i video ka CCTV da yoo wa lai ko samen chajrong yung chwa wow nohyap ko wei da chim ya i video neibynta wow pynman ya i takit.
Ki pulit da pyntip ki leh cha kiwa hayung hasem ka Priyaluxmi wei da booh ya i metyap ko ha AIIMS khnang wow leh yeiwa emkaam.
Discussion about this post