U Justice Uday Umesh Lalit ynne ka sngi da smai u wow man kam u Chief Justice of India (CJI), wei da pynbaam smai ya oo da ka President ka ri, ka Draupadi Murmu ha Rashtrapati Bhawan, New Delhi.
U Justice Uday u chimkti u ya kani ka chuki na u Justice NV Ramana uwa da chong-ngiah noh ynnin ka sngi wei u Justice Uday u man u leh kam u CJI wa 49 ka ri.
U Justice UU Lalit da pyndep u wow puræ muktiar (Law) na Government Law College, Mumbai wei man u uwa da pliah ha ka Criminal Law.
Da man u kam u muktiar hapoh ka Bombay High Court hadooh u snem 1985 chwa wow lai cha Delhi ha u 1986.
U Justice Uday u man u kam u CJI neibynta 74 sngi hadooh ka 8 Khonchonglad (November) uni u snem manda kynjoh u 65 snem i rta.
