theme-sticky-logo-alt
theme-logo-alt
Advertisement ad1
Advertisement ad1

Da tlep emburom ya u Montri Rangbah warim ka jylla, u J.D. Rymbai

Advertisement ad1
Advertisement ad1
Advertisement ad1

I tlep emburom namo ka State Funeral ya u J.D. Rymbai, uwa jooh man kam u Montri Rangbah warim kamjooh u Speaker warim ka Meghalaya da pyndep ynne ka sngi ha Mawlai Madan Heh, Shillong.

U (L) J.D. Rymbai ha ki por yong oo ha ki kaam seiñ hima sima kam u MLA ka Jirang Legislative Assembly Constituency da man u leh kam u Montri kiwa boon ki chnat sorkar najrong wa man u kam u Montri Rangbah wa u Speaker ka Meghalaya.

Advertisement ad1

Ha kani ka sngi da wan wow leh warom kamjooh kiwa e yei klam da u Symbood Montri Rangbah ka Meghalaya, u Prestone Tynsong, u Speaker ka Meghalaya Legislative Assembly, u Metbah Lyngdoh, u MLA Jirang Constituency, u Sosthenes Sohtun wa uwa naka yung ka sem, u Norbert Pathaw.

Da puræ leh ya ki ktien sñiawlem na u Montri Rangbah ka jylla, u Conrad K. Sangma daka Deputy Commissioner, East Khasi Hills District, ka Isawanda Laloo.

Da wan leh wow embynta lang da ki Montri sorkar wa kynthup ya u James P.K. Sangma, u Lahkmen Rymbui, u Hamletson Dohling, u Renikton Lyngdoh Tongkhar, uwa yahkhmat ka Liang Pyrchah, u Dr. Mukul Sangma, ki MLA, ki MDC, u Additional Chief Secretary, u D.P. Wahlang, ki heh sorkar, kiwa hayung hasem wa ki lok ki jor u (L) J.D. Rymbai.

Hadien ini, yei metyap u (L) J. D. Rymbai da lai tlep ha i thaw tlep bru ka ka Balang Presbyterian Mawlai Phudmuri, Mawroh, Shillong.

Ya u (L) J.D. Rymbai da kha ha ka 26-10-1934 ha Kdong Hulo, Ri-Bhoi District wei da man u kam uwa sikai ka BASIC School ha Bhoirymbong.

Da man u kam u Deputy Speaker ka Legislative Assembly nadooh ka 22-03-88 hadooh ka 22-01-90. Da chah jied won u kam u Speaker ka Legislative Assembly nadooh ka 12-10-93 hadooh ka 17-04-97.

Da man u leh kam u Montri ki chnat sorkar wa boon ha u 1992, 1993,1997,1998, 2001,2003 wa ha u 2005 heiwa nadooh ka 19-06-2006 hadooh u Wisu (Mar) 2007 da man u kam u Montri Rangbah ka jylla Meghalaya.

Da ieh u chadien ya ka kurim u ka Peggymon Pathaw wa 5 ngut ki khon deilang wa ki khon ksu.

Share this:
Previous

Jop ka Khliehmuchut, ka Mulang waka Pateinki haka 3rd Division ka WJDSA

Next

36 kynta u khang chnong ka Iawmusiang