15 49.0138 8.38624 1 0 4000 1 https://wyrta.com 300 0

Da toh i por

0 Comments

Da toh i por u khyrngiat yong bru,

Chaphrang deilang yoh i u ku,

Advertisement ad1

Khyrngiat nei wa thiah nei yimphoo slu,

Bainong wa dang sah yoh i ka su.

 

Duhai! U pait u wi ya ka wi,

Beh cha jngai yei atnood yei bichni,

Yoh u yaleh ya u mynder chi sngi,

Jait bru yong i emkaam u ya tylli,

 

Katwa dang em ka pung Thadlaskeiñ,

Chaphrang u tia alæ ham ia teiñ,

Katwa dang ya yieñ ki Moobynna,

Tylli u yeiñ ya ka jaitbru u kær u da,

 

Ya i hok u yoh u tia chaphrang,

Deilang khynroo ki kynthai chynrang,

Ka wait ka stieh yu spong woow poila,

Chirong u ya yieñ ha madan thma,

 

Yow neh yow sah yutang wei khana,

Haki pateiñ wa dang pun dang kha,

Deilang i kyrkhu kyrdoh u Tre,

Ya jaitbru yoh i u ye chare.

Advertisement ad1

0 Comments

Leave a Reply