theme-sticky-logo-alt
theme-logo-alt
Advertisement ad1
Advertisement ad1

Da toh u pynsangeh chwa ya ka CUET neibynta ki khynnah ka jylla: Treiborlang Suchen

Advertisement ad1
Advertisement ad1
Advertisement ad1

Ynne ka sngi, u General Secretary ka Jaiñtia Students Union, u Treiborlang Suchen hawa e yei klam ha ka yalang sdang i lehkmen dap sanphaw snem ka JSU da khana u ya ki kaam kiwa ka seiñ u kreh ko kiwa yatoh wa ka ri wa ka jaitbru.

U Suchen da ong u wa i kaam jhep ha Jowai da man i kaam wa phiah iwa pynyaphær ya ka jaitbru, yaphær chnong wa wot hadooh i yaphær District deiwa kyntu ya ki paidbah wow e kyllooid mynsien ya i thaw wow pynemkaam u noh jhep neibhah wa i jhep ha Jowai toh i yong ki bru na kylleiñ ka Ri-loom Jaiñtia.

Advertisement ad1

Da kyntu u leh wa hanla man i thaw wa chi namo ar Acre leh emkaam wow pdiang khnang wow man biang ka Iawmusiang kam kawa khooid.

Heiyatoh wa i stat i tip, da ong u wa ka sorkar India lyngba ka Ministry of Education da pynmih ko ya ka CUET iwa man pyrchah ya ka jylla.

Da kdaw u wa katni em hadooh palat 30,000 tam ki khynnah ha ka jylla ki wow yakhun ya ka Higher Secondary School Leaving Certificate (HSSLC) wei katkam wa man katni da em du kamwa 600 ngut donhi kiwa pyndap wow yaleh ya kani ka Exam (CUET) wei ki khynnah da kulmar ki.

“Lada ka Tamil Nadu wanrah ko da ka Resolution ha ka Yung Dorbar wow pyrchah ya kani ka Exam,” da ong u Suchen, kamtæ iyi wa eh ya ka sorkar jylla u leh ko kamjooh, katwa kamtæ da dawa wa ka sorkar jylla Meghalaya leh u rah ko ya ka Resolution wow pyndam chwa chipor ya kani ka Exam.

Da pynkynmoo u leh ya i dawa ya ka Extension Building ha Kiang Nangbah Government College, Jowai wei wow wanrah ya ka Government College ha East Jaiñtia Hills wa kiwi kiwi.

Share this:
Previous

Wan booh mooyurim u Sniawbhalang Dhar ya ar tylli ki Scheme umkor wa u sarok ha Mynsngat

Next

Artatien ki paidbah wow pynkreh ya ka NREGA