Da: U W. Pakynteiñ
Waroh ki dkhot ka Jaiñtia Fishing and Environment Protection Association (JFEPA), Jowai kmen i yei pynbna u Superintendent of Fisheries, West Jaiñtia Hills yeiwa da jied ka sorkar Meghalaya ya ka Syntu Ksiar kam kawi na ki Sanctuary hapoh ka jylla.
Sñiawsih won O u pait u yoo yei ieh beiñ ka Soil & Water Conservation Department, West Jaiñtia Hills ya kani ka thaw khlem da pynkhooid næ thwat yei khloo iwa rben cha waroh ki rood ka wah wa madan yong kani ka thaw hadooh wa kiwa kwah u laike cha ka leh ymnood de ki. Kiwa khwe tooh leh da yohlaad bha ki wow rieh hakhap khloo.
Katwa kamtæ, nga uwi na ki dkhot ka seiñ, kwah O u e yumut ya ka seiñ, wa toh u pynman noh ko da ka yakob khwe pyllah (Fish and Release) kawa man leh kawi na ki laad yow yada ya ki dakha ha ka Sanctuary.
Heijooh i por da toh leh wow chim ya ka bai psiah (Entry Fee) na ki bru kiwa lai uiñke cha kani ka thaw wei ka poisa wa yoh neini ye wow pynlut hei wow pynkhooid pynjngiar, pynkhooid yei khloo, lada man iwa ye yow booh ya ki River Guard leh.
Da yoo O wa ym em de da kiwi ki laad, lait noh kini kiwa da e hajrong.
Ngait skem wei wym artatien wa ki paidbah leh u pdiang ki yeini iwa da tywa O neibynta i bha i miat kani ka thaw.
