Hadien i kem noh ya 4 ngut ki bru wa emkti u pynlai pyrchah ya ka aiñ ya ki karkhana Coke ha Shallang, neiliang ki bor wa toh u pait da lai tympra deiwa tympdung phrai da u Bomb ya kawi ka karkhana wa pyrchah aiñ wa em ha katai ka thaaiñ.
Kam wow pynkynmoo wa ka High Court ka Meghalaya da chimkhia bha ko yeini i kaam hadien wa da yaleh PIL kiwa boon pyrchah ya kini ki karkhana wa krehkaam pyrchah ya ka aiñ kamjooh i tih mooyong pyrchah ya ka aiñ deilang wa i roi ki karkhana Coke wa da yieñ khlem da yoh bor hapoh West Khasi Hills District.
Ha ka 26 tarik u Naiynru, neiliang ki pulit ka West Khasi Hills da kem noh ki ya 4 ngut ki bru ya kiwa da suba joor wa toh kiwa pynlai pyrchah ya ka aiñ ya ki karkhana Coke ha ka thaaiñ Shallang wei kini toh kiwa em hapoh ka Judicial Custody.
Ka High Court leh neipor cheipor da ban joor ko yei emkti ki bor District kamjooh ki bor pulit ha ini i kaam hadooh wa da maham ko wow phah takit da ka CBI wei neipor cheipor da phah ko leh ya ka sorkar wow pynchitom ya ki heh sorkar ki wym ye u khanglaad ya kini ki kaam pyrchah aiñ.
Puræ leh: Da ya maham ya ujor para Assamese wa da joor emkti ki ha ki karkhana Coke ha Meghalaya
Puræ leh: Chah kem soo ngut kiwa pynkrehkaam ya ka karkhana Coke pyrchah ya ka aiñ
