Kam chibynta wow kyrchaan ya ki para mynsien kiwa emkaam yarap sakhiat, ka FKJGP War-Jaiñtia Circle ha ka 7 tarik uni u bnai, da e yarap ko da u khoo cha ka chnong Padu-Bah.
Ha kani ka sngi saam ya u khoo da emlang u President ka FKJGP War Jaiñtia Circle u B.S. Mukhim, Asst. GS FKJGP War Jaintia Circle u K.M. Khonglah, u Asst. Waheh Chnong Padu-Bah u N. Pohshna, General Secretary u S. Mukhim, Secretary Padu-Bah VEC u N. Pohthmi wa kiwi kiwi.
Ha i klam tbian u President ka FKJGP War Jaiñtia Circle da long u wa kam ka seiñ wa pait ya i khia i chon ka dong ka thaaiñ, smat ko wow ya krehlang, wei ki paidbah kiwa emkaam yarap sakhiat la ha kiwon kiwon ki bynta leh.
Da kyntu u ya ki paidbah ki dong ka thaaiñ wow ya krehlang wa ka seiñ kam ha kini ki snem wa da dep khnang wow ye u pyntyllung chakhmat ya ki kaam kiwa dang sah.
