theme-sticky-logo-alt
theme-logo-alt

Da u khoo e yarap ka Loomiongkjam cha ki manyung ka chnong

Jowai: Ka Dorbar Chnong Loomiongkjam, Jowai ynne ka sngi da saam ko da u khoo cha waroh ki manyung wa em hapoh u pood ka chnong kiwa da chah ktah neidaw wa em ka khang chnong namo ka Lockdown.

Chwa u saam ya u khoo uwa em kamwa 4,000 kilo uwa da thied lyngba ka yarong poisa ka chnong, da em ka yalang wa tbian wada pynlai da u Waheh Chnong ka chnong u Mehiwan Challam yeiwa da pynbood won da i ngooh i dem na u kñi ka chnong u Kyrchan Synnah.

Lyngba i ngooh yong oo da ngooh yow chait yow khiah ka chnong ka thaw lyngba uni u khabet khatung uwa ksoh yei mynsien mynsngaid u 7 Wasa 7 Wasung, yow chait ka chnong yow chait ka Raij ka Muluk khamtam ya ka ri wa maya yong i.

Neiliang ka Dorbar Chnong da chim ko leh ya ka kabu wow ekhublei sñiawngooh ya kiwa da e yarap ya ka chnong ha u Naitung (April) neidaw wa em ka Lockdown, wei kini man ki kamni hawah:

  1. W. Shylla, Local MLA
  2. A.A. Shullai, Local MDC
  3. Tei Hing
  4. Seiñ R.S.S.

Da e khublei leh waroh ki khon ka chnong chynrang wa kynthai kiwa da krehlang chirup wa ka sorkar ha kani ka Lockdown, khamtam ya ka Sein Man Bei, ka Khynroo Khyllood Committee, ya ka Contact Tracing Team Volunteers cum COVID-19 Management Committee, khamtam leh ya u General Secretary ka chnong, u Heihadong Challam.

Share this:
Previous

Sa 3 ngut kiwa liwan na Rajasthan cha Assam wa yoh COVID-19

Next

Sñiawngooh ka Sohkymphor Neiñ ya u MDC