Ka BJP ynne hawa pynmih yaka thup wa san kawa em i pyrtuid ki 111 ngut ki kyrtong MP ki wow yaleh yaka Lok Sabha Election 2024, da mih leh ki pyrtuid yong kiwa dang psiah thymme cha ka Party nadooh u heh spah wa tip kam u Naveen Jindal, u Ranjit Chautala wa u Judge warim ka Calcutta High Court, u Abhijit Gangopadhyay deilang waka Kangana Ranaut kawa man kam ka Actress wei kini ki pyrtuid wa dang pynmih toh ha ki 17 tylli ki jylla.
Ki pyrtuid wa wiar toh u Varun Gandhi, tangwa ka bei u ka Maneka Gandhi dang yoh hi ko wow yaleh na Sultanpur katwa yaka Constituency u Varun Gandhis ha Pilibhit da e cha u Jitin Prasada uwa jooh yaleh naka Congress tangwa da psiah BJP u chwa ka Election.
Kiwi de kiwa da dooh Ticket toh kiwa man kam ki Montri sorkar katni, u Ashwini Kumar Choubey wa u General VK Singh deilang wa u Montri warim, u Anant Kumar Hegde.
Uwi na ki heh ka BJP na Kerala BJP, u K. Surendran da pynyieñ ya oo pyrchah ya u Rahul Gandhi ha Wayanad Constituency. U Surendran toh uwa man kam u BJP State President ka Kerala uwa da yaleh MP ha u 2019 tangwa da yoh u hei wa le. Ha u 2021 won da yaleh MLA u na ar tylli ki Constituency heiwa da rem u na waroh ar.
U Ranjit Chautala, u khon u Deputy Prime Minister warim, u Devi Lal daw yakhun u na Hisar. Ka Kangana Ranaut won daw yaleh ko yaka Election wa nyngkong dooh na chonng ko ha Mandi, Himachal Pradesh.
U Arun Govil, uwa man kam u Actor wa ak kam u Ram haka TV Serial Ramayan, daw pynyieñ oo na Meerut Lok Sabha Seat kawa da jooh ksoh da ka Hema Malini ka wym em de chah jied.
U Judge warim ka Calcutta High Court, u Abhijit Gangopadhyay, uwa dang dep psiah BJP ini wa dep hadien wa chong ngiah u (Voluntary Retirement) daw yaleh u na Tamluk, Bengal. Wei da man u leh uwa nyngkong dooh u Judge wow yaleh Election.
Ha Odisha, u Montri sorkar u Dharmendra Pradhan daw yaleh u na Sambhalpur katwa u Sambit Patra na Puri.
Kiwi ki dkhot wa thymme wa da yoh u yaleh Election toh ka Sita Soren na Dumka, Jharkhand.
U Montri sorkar, u Giriraj Singh daw yaleh u na Begusarai katwa u Montri sorkar warim, u Ravi Shankar Prasad daw yaleh u Patna Sahib.
Discussion about this post