U Joint Director ka School Education & Literacy ynne ka sngi da pynmih u ya ka hukum wow khut Admission ya ki khynnah ki wym pu yoh thaw puræ ha ka Class XI.
Ha ka hukum da ong u wa katkam ka rai ka chnat puræ puthi, ynnin ka 15 tarik ka Morning Section yong ka Government Boys Higher Secondary School neibynta ka Class XI da wai ya ka nadooh ka 16 tarik uni u bnai.
Hajrong ini ki khynnah kiwa ympu yoh Admission ha ka Class XI Arts ye ki wow wan chim ya ki Admission Form naka Principal kani ka skur nadooh ka 18 tarik uni u bnai.
Ka tarik wa khaddooh wow pdiang ya ki Form wa da pyndap toh ha ka 26 tarik uni u bnai.
Kam wow kdaw heini ki ar tylli ki seiñ wa kynthup ya ka JYF waka JSM da pynman ki ya i yakhih heiyatoh wa i dooh thaw puræ ki khynnah kiwa em 144 ngut cha ka Class XI wei wot ka seiñ saiñhima, ka LJP Meghalaya leh da thoh ko cha u Montri Rangbah ka jylla wow chimkhia u ya ini i kaam.