Hadien wa wai yei khang Internet ha i miet 3 tarik ha ki ar District ka ri-loom Jaiñtia, ynne ka sorkar da pynbna ko wa da pynlait leh yei khang Internet ha ki District ka ri-loom Khasi wa Ri-Bhoi.
Da leh ya ini hadien wa ym em de jia iwon iwon iwa pynthut yaka suk ka saiñ wei suki suki leh da sdang pynduna yaka Curfew ha kiwa boon ki thaw ha Shillong.
Ka Internet ha ri-loom Khasi wa Jaiñtia da pyndooh nadooh ka miet ka 28 tarik u bnai wa da dep.
Ynne ha ki thaaiñ Iewduh, Paltan Bazaar, Stand Jeep, Motphran wa ki thaw Cantonment da pyndam yaka Curfew nadooh 6 waje i step hadooh 01:00 i sngi.
Ha Police Bazaar won da pyndam yaka Curfew nadooh 9:00 waje i step hadooh 4 waje i janmiet ynne ka sngi.
Discussion about this post